HATAW! D'yaryo ng Bayan hatawtabloid.com
ni Roldan Castro
FINALLY, may bagong serye si Ejay Falcon pagkatapos ng Dugong Buhay. Ito’y ang Pasion De Amor na makikipagtalbugan siya kina Jake Cuenca at Joseph Marco sa pagiging sensual.
Paglilinaw lang na hindi ito porno-serye lalo’t 6:00 p.m. ang time slot nito bago mag-TV Patrol.
Sobrang challenging kay Ejay ang nasabing soap dahil galing siya sa pa-tweetums tapos action -serye then ngayon ay sasabak siya sa sexy scenes kay Ellen Adarna.
Game si Ellen sa mga eksena nila kaya masuwerte si Ejay. Hindi raw ito maarte kaya nagagawa nilang swabe ang eksena.
Wala pa namang plano si Ejay na yayaing mag-date sila ni Ellen. Ayaw din niya ‘yung slant na kunwari ay liligawan si Ellen para masabi lang na may chemistry sila. Gusto pa niyang makilala ng lubusan ang sexy actress.
Kasama rin nila sa Pasion De Amor sina Coleen Garcia at Arci Munoz. Ito’y sa direksiyon ni Eric Quizon.
