K at Pooh, may chemistry bilang Espesyal Couple

SOBRANG nakatatawa ang batuhan ng dialogue nina K Brosas at Pooh, ito sa pelikulang Espesyal Couple na animo’y nagtatanghal sa isang comedy bar.

First time na magkasama sa isang pelikula sina K at Pooh at ito’y mula sa Bagon’s Films Production na idinirehe ni Buboy Tan. Ang Bagon’s Films naman ay pag-aari nina Dhel Tan, Boy Tan, at Danty Bagon.

Nakatutuwang maganda ang pagkakagawa ni Direk Buboy sa Espesyal Couple na mas kilala sa paggawa ng mga sexy film.

Sa Espesyal Couple, ‘di matatawaran ang kalidad nina K at Pooh pagdating sa pagpapatawa kaya naman tiyak na makakaagaw-pansin sila kay Vice Ganda.

Tampok din sa Espesyal Couple sina Manuel Chua, Gene Padilla, ang dating mga sexy star na sina Isadora at Pia Moran, Emma Villanueva, Jay Franco, Benz Sangalang, ang nagbabalik na si Whitney Tyson, John Romano, Danny Labra, Ruby Ruiz, Eddie Tuazon, Jackston 2, at Jack N Poy.