Sweetness nina Daniel at Erich, lantad na lantad

ni Ed de Leon

PALAGAY namin, sabihin man nilang wala pang inaamin sa publiko sina Daniel Matsunaga at Erich Gonzales, at kung ano man ang dahilan at ayaw nilang aminin publicly ang kanilang relasyon, hindi na siguro dapat na ipagtanong iyon.

Open naman sila sa pagpapalitan ng mga love messages at saka open naman sila sa mga inilalabas na mga picture nila sa mga social networking accounts nila. Ano pa ba namang pag-amin ang kailangan nating hintayin. Siguro ang reason kaya lang hindi sila umaamin openly ay dahil ayaw nilang magsalita tungkol sa kanilang love affair, lalo na nga at sinasabing nakipag-split si Erich sa dati niyang boyfriend dahil kay Daniel. Prerogative na nila iyon, pero wala na tayong maitatanong pa.