Aiko, isinusumpa ng viewers

PANALO sa ratings game ang fantasy-comedy-drama series na Inday Bote na pinagbibidahan nina Alex Gonzaga, Matteo Guidicelli, Kean Cipriano, at Aiko Melendez.

Natutuwa ang mga bata sa mga duwendeng kaibigan ni Inday Bote (Alex) na sina Smokey Manaloto, Nikki Valdez, Nanding Josef, at Alonzo Muhlach.

Inaabangan din ng manonood ang pang-aapi at pang-aalipusta ni Fiona Navarro kay Inday Bote na ginagampanan naman ni Aiko Melendez na isinusumpa ng viewers.

Ngayong linggo, abangan kung anong susunod na plano ni Fiona kay Inday ngayong unti-unti na niyang nalalaman ang mga sikreto sa buhay ng dalaga. Siyempre, patuloy din kayong pakikiligin nina Inday at Greg Navarro (Matteo Guidicelli).

ni Reggee Bonoan