HATAW! D'yaryo ng Bayan hatawtabloid.com
ni Ed de Leon
“LAHAT naman po siguro ng babae dream na maging isang beauty queen. Pero hindi po ako nakasisiguro kung puwede ako” sabi ni Gabbi Garcia nang may magsabi sa kanyang ang hitsura ay pang-beauty queen.
Kung titingnan mo naman talaga si Gabbi, iyong kanyang mukha, at lalo na ang kanyang height, talagang masasabi mong timbreng beauty queen. Kung ano ang nakikita kay Megan Young noong araw, parang ganoon din ang dating ni Gabbi. Iyan ang puwedeng ilaban talaga at posibleng manalo.
Kaya lang, masyadong marami naman siyang pinagkaka-abalahan dahil may serye pa siya ngayon na siya ang bida, bukod pa sa ginagawa niyang pagkanta. Pero sa totoo lang ha, mukha talaga siyang beauty queen.
