Georgina, ‘di na bago ang pagbalewala sa manager

 

ni Pilar Mateo

ALL in the name of what?

Talagang ang talent-manager na si Shirley Kuan na ang nagpakalat ng balitang binitiwan na niya ang alagang si Georgina Wilson. Na may pagbabanta pa nga ng demanda dahil sa hindi nito pagsunod sa kontrata sa kanila ng manager.

Nang dumiretso umano kay Georgina ang kumukuha sa kanya para mag-host sa launch ng Samsung phones with Solenn Heussaff, maliwanag na pambabastos na ito sa manager niya na unang tinanungan ng rates ng kanyang talent.

Dahil umano sa bad conduct ni Georgina at ng Samsung, idudulog din ni Ms. Kuan sa samahang kinabibilangan niya sa PAMI ang nasabing isyu para mapatawan din ng kaukulang parusa sa industriya si Georgina.

Kaya ang tanong ng mga miron eh, kung sino naman daw kaya ang nag-sulsol dito para balewalain ang kanyang manager? Actually, hindi naman daw pala ito ang unang pagkakataon na gumawa ng hakbang si Georgina na hindi ipinaaalam sa kanyang manager.

Eh, bakit pa ba kayo nagsisikuha ng mga manager samantalang mga sarili niyo rin pala ang gusto niyong masunod. Kung wala naman pala kayong planong bigyan ng komisyon ang mga ito eh, bakit pa kayo nagpapatulong kung kaya niyo rin pala?

Ano kaya ang advice ni Borgy (Manotoc) sa kanyang lady love?