Doris, inireklamo ng pambabastos

ni Alex Brosas

LUMABAS sa Fashion Pulis ang pambabastos umano ni Doris Bigornia sa isang kapwa nanonood nang magtaray ito sa kanya while watching a concert.

Sumugod daw kasi sa unahan si Doris at ang anak nito nang lumabas na ang concert artists. Siyempre, nagdagsaan na rin ang iba pang manonood.

Nakiusap na raw ang bouncers na bumalik na sina Doris sa kanilang upuan pero nag-insist pa rin daw ito para makita ng malapitan ang concert artists. Sinabi pa raw ng anak ni Doris na unahing paupuuin ang ibang concertgoers at saka na lang sila uupo.

Nakiusap naman ang mom na umupo na si Doris dahil natatakpan ang view nila at since nagkagulo ay nag-hyperventilate ang anak niya. Nagtaray umano si Doris at sinabing,”wala akong paki kahit mamatay siya ryan.”

True ba ito, Doris?

Anyway, nakunan daw ang pagtatalo nila at mayroong isa o dalawang nakapag-video nito. Alamin na lang natin kung lalabas ito sa social media at maging viral.

Naku, ano kaya ang magiging reaction ng ABS-CBN news department sa eskandalong ito? Patawan kaya nila ng parusa si Doris who allegedly behaved rudely?