HATAW! D'yaryo ng Bayan hatawtabloid.com
ni Roland Lerum
APRIL 13 ang birthday ni Congreeswoman Lani Mercado pero nag-celebrate siya ng kaarawan noong April 12 na ipinagdiwang sa kulungan ni Senator Ramon “Bong” Revilla, Jr. Dumating halos lahat ang mga anak ng dalawa pati si Vice Governor Jolo Revillakasama ang anak na si Gab.
“Hindi pa fully recovered si Jolo,” info ni Lani. ”Magpapa-check-up siya sa Los Angeles, California USA sasamahan ko siya. Pati ‘yung isa kong daughter, si Laudette, kasama. Kaga-graduate lang kasi niya ng high school at maraming awards and medals kaya itong trip na ito para sa kanya.”
Inamin ni Lani na 47 years old na siya. Isang taon lang ang tanda ni Sen. Bong sa kanya. Noong una, sabi ni Bong, ”Si Lani, 25 years old lang siya.”
Ano ang birthday wish ni Lani? ”Yung sa loob ko talaga, sana makalabas na si Bong dito sa kulungan.”
Mahigit sa anim na beses kinantahan ng crowd sa Crame si Lani ng Happy Birthday. Pero humiling ang mga bisita’t kaibigan na kumanta ang mag-asawa kaya muling humirit si Sen. Bong ng ”She” at pinatabi niya si Lani sa kanya. Nag-duet sila sa You Are The Sunshine of My Life at pinakahuli ang The Prayer na kinaya nilang dalawa kahit napakataas na ng tono. Sa huli, sabi ni Lani, dahil hindi niya makaya ang taas ng tono kung minsan, ”Pasensya na kayo, birthday ko naman, eh!”
