Bakit nga ba walang tumatagal na showbiz talk show?

ni Ed de Leon

ANG usap-usapan nga, bakit daw ba sa ngayon wala ng showbiz talk show na tumagal kagaya ng mga show noon ni Ate Luds, o ni Inday Badiday? Kung iisipin mo, sa ngayon ang mga showbiz talk show ay may mga crew talaga at reporters na naghahanap ng mga balita. Kung iisipin ninyo, noong araw walang ibang crew, at walang ibang reporters sa mga show ni Ate Luds kundi siya lamang mag-isa.

Pero ang showbiz talk shows niya noon talagang puro balita, hindi kagaya ngayon na bagsakan na lang ng mga press release ng kanilang networks.

Ilang kontrobersiyal na mga expose ang ginawa ni Ate Luds? Hindi lahat iyon ay maganda ang tingin ng mga artistang tinamaan, pero iyon ang mga tunay na kuwentong kung hindi niya inilabas ay matatago ng tuluyan sa mata ng publiko, at marahil maging sa mga taong concerned mismo.

Iba talaga si Badiday, kasi journalist talaga eh.