HATAW! D'yaryo ng Bayan hatawtabloid.com
ni Roldan Castro
BALITANG maagang tatapusin ang seryeng kinabibilangan ni Empress Schuck bago lumaki ang tiyan niya. Naapektuhan ang serye dahil sa kanyang kalagayan.
How true na nagpadala ng Food For The Gods ang kanyang manager na si Becky Aguila sa GMA 7 na may note na nagso-sorry. Kalilipat lang kasi ni Empress sa Kapuso Network at nagpabuntis agad.
Tatlong buwan na raw ang kanyang dinadala sa kanyang non-showbiz boyfriend na taga-Zamboanga.
Si Jennylyn Mercado ang nag-interview sa kanya sa Startalk at doon niya ipinagkatiwala kung ano talaga ang kanyang sitwasyon.
Sey ni Empress, childhood friend niya ang nakabuntis sa kanya pero more than one year na silang may relasyon.
Bago ang non-showbiz guy na ito, huling na-link sa kanya ang young actor na si Joseph Marco.
Nabigla ang mga magulang ni Empress sa kalagayan niya at noong una ay nahirapang tanggapin ng kanyang ina ang pagbubuntis niya. Pero nandiyan ang kanyang manager at kaibigan na sumuporta sa kanya.
Balak ni Empress na bumalik sa showbiz pagkapanganak. Excited na siya sa pagiging ina.
