HATAW! D'yaryo ng Bayan hatawtabloid.com
NAPAKASUWERTE at tila malaki ang tiwala ng TV5 management sa tinaguriang kilig prince and princess na sina Mark Neumann at Shaira Mae para sa kanila ipagkatiwala ang isang malaking show, ang Wattpad presents, The Magic In You.
Masuwerte dahil sa kauna-unahang pagkakataon, nakipag-partner ang HongKong Disneyland sa isang Filipino network, ang TV5. Nais kasi ng HK Disneyland na makabuo ng quality at wholesome entertainment na pampamilya bilang parte ng kanilang 10thanniversary celebration.
Sa HK Disneyland nag-taping para sa Wattpad Presents kaya naman ganoon na lamang ang kasiyahan ng TV5 na maibahagi sa Pinoy viewers na ito ang kauna-unahang pagkakataon na ang local television ay nag-shoot ng kabuuang episode sa world renowed theme park.
Ang Wattpad Presents The Magic in You ay base sa online novel originally written byMarielicious. Ito ang pagbabalik-television din ng sought after loveteam ng Artista alumni na sina mark at Shaira na magbibigay buhay sa karakter nina Basti Rivera at Princess Anne Dimla.
Ang istorya ng The Magic in You ay iikot kay Princess (Shaira Mae) na tulad ng iba ring babae, na mahilig sa mga Disney character. Tulad nina Sleeping Beauty, Snow White, Cinderella, at Mulan, naniniwala rin siyang dumaratng ang magic ng pag-ibig sa lahat ng prinsesa. At para namang pinakinggan ng langit ang kanyang pangarap, natupad ang inaasam-asam ni Princess, ang makapunta sa Hong Kong Disneyland. Ito kasi ang paniwala niya na makatutupad sa pangarap na maging parte ng Disney family bilang songwriter.
Subalit gumuho ang pangarap na iyon nang malaman niyang naloko lang pala siya ng kanyang recruiter. Wala palang trabahong naghihintay sa kanya sa HK Disneyland. Nakadagdag pa ang pagkaka-post sa You Tube ng malungkot na pangyayari sa kanya nang makunan siya ng video ni Basti at taguriang “Parade Crybaby”. Doon nagsimula ang mga pangyayaring tila nag-work ang tinatawag na magic in love dahil sa magical place na HK Disneyland.
Kaya kung gusto ninyong maka-experience ng magic ng pag-ibig halina’t manood ngWattpad Presents The Magic in You na mapapanood tuwing Lunes hanggang Biyernes, simula Abril 13, 9:00 p.m. sa TV5.
ni Maricris Valdez Nicasio
