HATAW! D'yaryo ng Bayan hatawtabloid.com
ANG Megastar na si Sharon Cuneta ang napili ng ENPRESS para bigyan ng Dolphy Lifetime Achievement Award: Ulirang Alagad ng Sining sa forthcoming 6th Golden Screen Awards ng aming grupong Entertainment Press Society o ENPRESS Incorporated.
Ito ay bilang pagkilala sa kanyang kontribus-yon sa local entertainment scene bilang isang singer, actress, at performer sa career na uma-bot nang higit sa tatlong dekada na inaasahang patuloy na mamamayagpag sa pagbabalik-ABS CBN niya.
Special awardee rin sina Roderick Paulate (Helen Vela Lifetime Achievement award for Comedy), Mr. Ronaldo Valdez (Helen Vela Lifetime Achievement award for Drama) at Ms. Cheche Lazaro (Helen Vela Lifetime Achievement award for News Broadcast).
Gaganapin ang 6th Golden Screen Awards sa April 26, Linggo, sa Carlos P. Romulo Auditorium, RCBC Plaza, Makati City. Ito ay produced ng Pink Productions at ididirek ni Louie Ignacio.
Kabilang sa mga nominado para sa major categories ang magagaling at hinahangaang artista sa telebisyon.
Sa kategoryang Outstanding Performance by an Actress in a Drama Program, mahigpit ang labanan nina Bea Alonzo (Sana Bukas Pa Ang Kahapon), Jennylyn Mercado (Rhodora X), Maja Salvador (The Legal Wife), at sina Lovi Poe & Maricel Soriano para sa (Ang Dalawang Mrs. Real).
Sa Outstanding Performance by an Actor in a Drama Program ay sina Alwyn Uytingco (Beki Boxer), Coco Martin (Ikaw Lamang), Dingdong Dantes (Ang Dalawang Mrs. Real), Miguel Tanfelix (Nino), Paulo Avelino (Sana Bukas Pa ang Kahapon) at Sid Lucero (Katipunan) ang magkakatunggali.
Para naman sa Outstanding Performance by An Actor in a Single Drama/Telemovie Program, magkakalaban sina Bugoy Carino (Maalaala Mo Kaya: Tutong), Gabby Eigenmann (Magpakai-lanman: My Psychotic Husband), Kristoffer Martin (Magpakailanman: Siga Noon, Beki Nga-yon), Pen Medina (Maalaala Mo Kaya: Sea Shells) at Tirso Cruz, III (Studio 5 Original Presents: When I Fall In Love).
Sa Outstanding Performance by an Actress in a Single Drama/Telemovie Program ay contenders naman sina Abby Bautista (Maalaala Mo Kaya: Sea Shells), Alessandra de Rossi (Wagas: Comfort Woman), Nora Aunor (Studio 5 Original Presents: When I Fall In Love), at Shamaine Buencamino (Ipaglaban Mo: Hindi Ko Sinasadya Yaya).
ni Nonie V. Nicasio
