HATAW! D'yaryo ng Bayan hatawtabloid.com
FINALLY ay ibinigay na ni Alex (Beauty Gonzales) ang matamis niyang OO kay Baste (Zanjoe Marudo) kaya naman sobrang saya ni Baby (Jana Agoncillo).
At dahil halos lahat ay masaya na ang characters sa Dream Dad tulad nina Ketchup Eusebio na napasagot na rin si Katya Santos (Precious) at sina Yen Santos at Guji Lorenzana na lang ang may problema na kailangang ayusin ay iisa ang hula ng lahat, patapos na ang serye.
Akala namin ay extended ito, ”hanggang April 17 na lang po ang ‘Dream Dad’,” sabi ng taga-Star Cinema.
Akala namin ay aabutin pa ng Mayo dahil nga mataas ang ratings at maraming ads na pumapasok.
Pero sitsit naman sa amin ng taga-ABS-CBN ay pinatapos na raw talaga ang Dream Dad dahil papasok na ang Nathaniel nina Gerald Anderson at Shaina Magdayao at ang Pangako Sa ‘Yo na pagbibidahan naman nina Daniel Padilla at Kathryn Bernardo.
Bukod dito ay humingi na rin ng bakasyon si Zanjoe para makasama raw ang girlfriend niyang si Bea Alonzo dahil matagal-tagal na rin daw silang hindi nakapagba-bonding dahil wala silang panahon sa isa’t isa.
ni Reggee Bonoan
