Carmina, na-tense nang makipaghalikan kay Paulo

ni Pilar Mateo

FIERY cougar!

Ito ngayon ang pinag-uusapan sa character ng aktres na si Carmina Villarroel bilang si Alexa sa patuloy na tinututukang Bridges of Love sa ABS-CBN na iniikutan ang triyanggulo nina Paulo Avelino, Maja Salvador, at Jericho Rosales.

Unti-unti ng nasasaksihan sa kanyang mga eksena with Paulo ang mga sexy at intimate scenes bilang isang babaeng umaamot ng pagkalinga mula sa kanyang minamahal.

Sabi naman ni Carmina noong una pa lang, malaki nga raw ang tiwala sa kanya ng mister na si Zoren Legaspi. At hindi sa trabaho nila magmumula ang selosan.

But when this role came, aminado si Carmina na may kasamang kaba at takot ang mga nabasa niyang intimate scenes sa script.

“Nagdalawang-isip talaga ako kung tatanggapin ko ba o hindi. Eh, super supportive naman ang asawa ko kaya lumakas na rin ang loob ko. Kasi kailangan ang mga passionate kissing scene. First time kong gumawa ng ganitong character o role. Kaya nakate-tense rin kasi most are intimate scenes eh, baka sa iba ‘ah ‘yun na ba ‘yon’ lang ang maging dating. There’s much pressure. Kaya sana, giving it all my best eh, magustuhan naman ng viewers ang napapanood nila sa amin.”

Habang abala naman si Zoren sa Forevermore they both make it a point to never miss their quality time with their kids.

“I am basically a bungisngis na happy person. Kaya challenge talaga sa akin ang personalidad ni Alexa. Na unti-unting maa-unfold ang layers ng katauhan dahil sa malalim din niyang pinagdaraanan. But when I get home, kailangan switched off na ‘yun.”

And that’s where her mommy moments in her happy life as a happy wife continues!