Allen, humakot na naman ng award

ni Vir Gonzales

IBANG klase si Allen Dizon. Humakot na naman siya ng international award mula sa pelikulang Magkakabaung.

Marami ang pumupuri sa acting ni Allen kaya hindi nakapagtatakang nag-uwi ng best actor award. Ang nakapagtataka lang, bakit sa abroad ay panay ang panalo ng award ni Allen, dito sa Pilipinas tila hindi siya napapansin.

Matagal ng panagarap ni Allen na makasama muli sa movie si Eddie dahil idol niya ito.

BAGUIO CITY, PABORITONG LUGAR NG MGA ARTISTA

MALAKAS talaga ang karisma ng Baguio City sa mga teleserye at pelikulang ginagawa sa kasalukuyan. Sumikat ang La Presa dahil sa Forevermore nina Enrique Gil at Liza Soberano. Maganda kasi ang lugar at malaki ang naitulong sa kagandahan ng teleserye.

Ngayon naman ay si John Lloyd Cruz at grupo nito ang naroon para sa shooting ng bago niyang pelikula. Roon pa isinagawa ang pagpapakalbo ng actor na marami ang nanghinayang. Pero dahil kailangan sa istorya kaya pumayag ang aktor.

Naroon din sa Benguet ngayon sina Eddie Garcia, Aiko Melendez, Diana Zubiri, atAllen Dizon para sa movie Baluyong. Malaking bagay para sa mga producer ‘yung malayo para huwag mawili ang mga artistang palayas-layas sa shooting. Sa layo ng Baguio, imposibleng makabalik agad ang mga naglalakwatsang artista.