Heart, iginiit na ‘di kinalimutan si Angelica sa kanilang kasal ni Chiz

ni Rommel Placente

AYON kay Heart Evangelista, hindi raw totoong hindi niya in-invite sa kanyang kasal ang kaibigang si Angelica Panganiban na gaya ng sinabi nito isang interview niya.

Inimbitahan niya raw si Angelica pero ang sabi raw nito sa kanya ay may trip ito sa Japan sa araw ng kanyang kasal with her boyfriend John Lloyd Cruz and his family.

So, ang sinabi niya na lang daw kay Angelica ay sa Manila reception na lang ito pumunta. Pero may trip daw ulit ito sa Japan with John Lloyd again.

Hindi raw niya puwedeng kalimutang imbitahan sa kanyang kasal si Angelica dahil isa raw ito sa itinuturing niyang best friends sa showbiz.

One of these days daw ay gagawa siya ng paraan para magkausap sila ni Angelica.