HATAW! D'yaryo ng Bayan hatawtabloid.com
ni Pilar Mateo
MADERA o madrasta?
Nakatsikahan namin si Pauleen Luna kamakailan. At kasama sa mga tanong namin sa kanya ang tungkol sa pakikisamahan niya in the future na mga anak ng kanyang boyfriend na si Bossing Vic(Sotto) na sina Danica at Oyo na mas visible sa lahat ng mga anak nito.
“I never made prisinta naman or anything basta may kinalaman sa kanila. Alam ko ‘yun? Hindi ko kailangang umeksena. Mas maganda na lang na lahat ng bagay will rightfully fall into place.
“Three years of being together, ang maia-assure ko lang sa kanila is that I love their father. And through the years, doon din naman nila nakikita ang totoo. Hindi ko rin naman kasi ipinipilit ang sarili ko. And I don’t have anything against them or problems with them.”
Sa bashers lang?
“Sabi nga niya (Vic) tigilan ko na ang mag-online. Sa akin naman, online or not hindo naman titigil ang mga ‘yun ‘pag gusto nila. Huwag lang sobrang below-the-belt. Eh, nabasa na natin ang mga isyu. Ganoon pa rin naman. Na mukhang pera ako. Na pera lang ni Vic ang habol ko. Hindi ako affected for myself. Mas affected ako for him. Kasi ‘yun lang ba ang rason para mahalin ko siya.”
This Holy Week, sa Osaka, Japan magbabakasyon ang tropang Eat…Bulaga! na sabi nga ni Pauleen eh, ang mga pagkain ang habol nila dahil mas masarap ang mga paborito nila on that side of town.
Pero kahit nasa Land of the Rising Sun ang tropa, iiwanan nila tayo ng makabuluhang Lenten Presentation, ang Misteryo mula Lunes hanggang Miyerkoles Santo na may anim na kuwento.
Back-to-back sa Lunes (March 30) ang Biro ng Kapalaran (Keempee de Leon and Ms. Nova Villa) at Lukso ng Dugo (Aiza Seguerra and Ryzza Mae Dizon with Pia Guanio, Julia Clareteand Ricky Davao).
Sa Martes (March 31) naman matutunghayan ang Pangako ng Pag-Ibig nina Pauleen at Rocco Nacino at ang Pinagpalang Ama nina Joey de Leon, Wally Bayola, Jose Manalo and Ryan Agoncillo with Ms. Pilita Corrales.
At sa Miyerkoles (April 1) ang Aruga ng Puso nina Bianca Umali at Marian Rivera, at Sukli ng Pagmamahal ni Bossing Vic.
