HATAW! D'yaryo ng Bayan hatawtabloid.com
MAY balitang nade-delay daw ang taping ng Inday Bote dahil kay Alex Gonzagadahil nga busy ito sa nalalapit niyang The Unexpected Concert na gaganapin sa Araneta Coliseum sa Abril 25 ngayong taon.
Tsika pa sa amin na nagkakaroon daw ng problema ang production team dahil kay Alex kaya pawang mga wala siya sa eksena ang kinukunan.
Inalam namin ito sa taga-Dreamscape Entertainment.
“Alam mo, nakakaawa naman si Alex, puro nega na lang ang nasusulat sa kanya, unang isyu, kesyo may humaharang daw sa promo guesting niya, eH, sino naman ang haharang?
“Pangalawang isyu, heto, cause of delay naman daw, ano ‘yan, hindi naman totoo ‘yun?
“Actually, nagtanong nga sa amin si direk Lauren (Dyogi) kung nagpaalam daw sina Alex at Mommy Pinty (Gonzaga) kasi nga baka manghingi ng mga araw for rehearsals, sabi namin wala naman, okay naman ang schedule, walang nasasagasaan, in fact kami pa nga ang may utang na tatlong linggo kay Alex kasi hindi pa namin nagagamit.
“Hindi nanghihingi ng araw si Mommy Pinty, kung may hihingiin siya, may ipapalit ding ibang araw. Hindi pa nga namin nagagamit ‘yung mga araw kasi na-extend kami sa mga batang kinukunan.
“Kita mo nga, hindi pa nga siya (Alex) lumalabas kaya hindi totoong cause of delay siya,” paliwanag mabuti sa amin ng taga-Dreamscape Entertainment.
Nabanggit pa ng taga-Dreamscape na hindi raw nakatutulong sa aktres ang mga negatibong write-ups kaya kung sinuman daw ang gumagawa nito ay tigilan na.
“Oo kasi kawawa naman, may concert baka hindi bilhin ang tickets sa mga nababasa nila, ‘wag naman ganoon,” paliwanag sa amin.
Ano ba kasi ang dahilan bakit kailangang i-nega si Alex, ”siguro pa-under dog para maraming maawa na inaapi, posibleng ganoon ang strategy ng promo na hindi maganda,” opinyon ng kausap namin.
At ang sinasabing hinaharang ang guesting ni Alex para sa promo ng Unexpectedconcert niya ay hindi raw totoo dahil nag-guest nga raw siya sa ASAP at GGVnoong Linggo.
“Hindi naman puwedeng isang buwan pa bago ang show, eh, magpo-promote na siya, siyempre unahin muna niya ang serye at ‘yung album niya.
“Kumbaga nauna ‘yung mga ‘yun, so isusunod ‘yung show niya, probably mga two weeks before the show ‘yun,”pangangatwiran sa amin.
Tinanong kami ng aming kausap kung sino raw ba ang humaharang sa promo ni Alex para sa concert niya na hindi naman namin alam dahil unang-una, mayroon nga ba?
ni Reggee Bonoan
