Sharon, marami nang nakakapanood nang lumipat sa Dos

ni Ed de Leon

NATUTUWA naman kami sa naging reaksiyon ng mga tao nang muli nilang mapanood ang megastar na si Sharon Cuneta bilang isa sa mga juror sa Your Face Sounds Familiar. Trending siya ha, at walang sinasabi ang fans kundi natutuwa silang muling mapanood sa telebisyon ang megastar. Tila nagkaroon kasi sila ng problema dahil alam naman natin na kulang pa ang mga relay station ng kanyang nilipatang network noon at hindi talaga sila napapanood sa ilang areas kung walang cable.

Ngayon pati ang fans ni Sharon na nasa abroad, nakikita na siya ulit dahil sa TFC. In fact, may natanggap nga agad kaming e-mails at messages sa aming social networking account mula sa kanyang fans sa abroad na nagsasabi ng kanilang feelings ngayong napapanood na nila siya ulit.

Tama ang sinasabi ni Sharon. It pays to be in a strong network. Kahit na anong lakas ng isang artista kung hindi nga maka-level ang network niya, mahihirapan din siya.