Daniel, humingi ng sorry kay Vice Ganda

ni Rommel Placente

HUMINGI ng paumanhin si Daniel Padilla kay Vice Ganda pagkatapos itong i-bash ng fans nila ni Kathryn Bernardo dahil sa tingin ng mga ito ay maigsi lang ang ibinigay na exposure nang mag-guest sa Gandang Gabi Vice para sa promo ng movie, ang Crazy Beautiful You.

Nanawagan din si Daniel sa supporters nila ni Kathryn na humingi rin ng sorry kay Vice.

“Siyempre gusto naming humingi ng pasensiya kay Vice at nangyari ‘yun. Pero ako lang, ayaw ko gawin ‘yun kay Vice, kahit ako never kong maiisip ‘yun kay Vice so, tayong mga Kathniels ay mag-sorry tayo dahil hindi naman siya ‘yung may hawak ng editing eh,” sabi ni Daniel.

Dagdag niya, ”Sumusuporta nga siya sa amin eh so ganoon talaga, okay lang ‘yun guys, mag-sorry kayo kay Vice.”

Samantala, ang Crazy Beautiful ay kumita na ng P225-M. Kaya naman sobrang nagpapasalamat si Daniel sa lahat ng tumangkilik ng kanilang pelikula mula sa Star Cinema.