Willie, mapapanood na sa WowoWin sa GMA7

 ni Roldan Castro

HAPPY na naman ang mga lola’t lolo at mga naghihintay sa pagbabalik ni Willie Revillame sa telebisyon. Finally ay pumirma na siya ng kontrata sa pamunuan ng GMA 7. Blocktimer si Wil kaya nasa kanya ang desisyon kung sinong kukuning co-host. Kunin pa kaya niya si Mariel Rodriguez? Sinong Kapuso artist ang kukunin niya?

Basta ang sure, maraming bago na makikita kay Kuya Wil at nakapag-ipon siya ng maraming ideas na ibibigay sa mga avid viewer niya.

After ng isang taong pamamahinga , muli siyang mapapanood sa game show na WowoWin, na tuloy ang ligaya sa pamimigay ng milyon-milyong piso, house and lot at mga sasakyan at iba pang pangkabuhayan.

“Una sa lahat, mahalaga ‘yung importansiya para sa mga kababayan nating kapuspalad. Ang programang ito ay ‘WowoWin.’ Sila ang winner dito. Doble ang saya. Importante sa programa ay nagsasayaw kayo, kumakanta kayo, nakikita mo na nagsasaya ang lahat, at nagbibigay ka ng mga papremyo na hindi basta-basta,” deklara niya.

Mayroon daw siyang segment na Bigyan ng Jacket ‘Yan at babalik ang Willie of Fortunesegment na magkakaroon ng pagkakataon ang mga kalahok na magbahagi ng kuwento ng kanilang buhay.

Mapapanood ang WowoWin every Sunday pero umaasa rin siya na magiging daily ito bago mag-primetime. Makakasama ni Kuya Wil si Randy Santiago bilang director.

Maligayang pagbabalik Kuya Wil. Na-miss ka namin!