HATAW! D'yaryo ng Bayan hatawtabloid.com
TRUE ba itong narinig namin na hindi binibigyan ng schedule si Alex Gonzaga para sa promo ng The Unexpected Concert niya na gaganapin sa Smart Araneta Coliseum ngayong Abril 25?
Hindi maipaliwanag sa amin masyado ng nagkuwento dahil may humaharang daw na hindi naman namin mawari kung sino at ano ang humaharang at bakit?
Heto ang tsika sa amin, ”hindi mo ba napapansin na kalagitnaan na ng Marso, hindi mo pa rin nakikitang nagpo-promote si Alex ng concert niya? Kasi hindi siya binibigyan ng guesting sa mga show.”
Napa-huh kami at biglang napaisip, oo nga, parang hindi pa nga namin napapanood si Alex na mag-promote ng concert niya sa The Buzz, Kris TV, Aquino and Abunda Tonight, ASAP 20, Showtime, at Gandang Gabi Vice o hindi lang namin napanood?
Di ba Ateng Maricris kadalasan kapag may upcoming show/concert/movie ay ngaragan ang promo? Paki-korek po kung may napanood kayo kasi nga baka nga ako lang ang hindi nakapanood.
O kaya walang time mag-promote si Alex ay dahil sobrang busy niya sa tapings ng serye niya kasi tanda namin, sabi ng business unit head ng programa na si Mr. Rondel Lindayag ay araw-araw ang taping nila ng nasabing fantaserye dahil sa sobrang hirap kunan ng mga duwende.
Nagtanong kami sa taga-ABS-CBN at nalaman naming may naka-schedule si Alex saASAP20 ang sabi sa amin, ”this Sunday (March 22) may mga kasamang Star Magic Full Circle sa production number ni Alex, kaya ito na rin ‘yun. Tapos naka-schedule siya ng April 12.”
So, mayroon naman palang promo, eh, sino ba nagpapakalat na hinaharang?
Dagdag sabi pa sa amin ng taga-Dos, ”wala naman talaga, ang schedule ng promo ng concert/movie ay nagaganap two Sundays before the event, hindi naman puwedeng two months ahead or every Sunday.”
Sabi rin ng ibang staff ng mga nabanggit naming programa, ”usually po a week before the concsert, hindi puwedeng sobrang advance kasi makakalimutan ng tao.”
Anyway, mukhang maganda naman ang benta ng The Unexpected concert tickets ni Alex dahil bagong putahe raw at curious ang fans nila ni Toni kung ano ang gagawin niya.
ni Reggee Bonoan
