HATAW! D'yaryo ng Bayan hatawtabloid.com
ni Roldan Castro
BUKOD sa kanyang natatanging talento sa pag-arte at pagsasayaw, magaling na businessman din pala si Rocco Nacino.
In fact, lingid sa karamihan ay nakapagpatayo na pala ito ng dalawang gym sa may Marcos Highway at sa Ortigas. Ngayon naman ay plano nitong magtayo ng sariling restaurant.
Nabanggit ng Kapuso actor na nagsisimula na siyang maghanap ng strategic place rito sa Quezon City para sa kanyang pinaplanong restaurant. Marvin Agustin lang ang peg o hindi kaya na-impluwensiyahan din siya ng kanyang nobyang si Lovi Poe na may restaurant sa Fort Strip, Taguig?
Bagamat hindi masyado nagkukumento ang Kapuso hunk, hindi kaya pinaghahandaan na ni Rocco ang lumagay sa tahimik para sa pagpapakasal nila ng Primera Aktres ng GMA 7?
Kitang-kita naman na masaya ang dalawa sa piling ng isa’t isa at going strong ang kanilang relasyon hanggang ngayon. Plano ng dalawa na magpunta sa Palawan bilang selebrasyon na rin ng first anniversary nila.
