Wish ni Sharon sa daughter na si KC non-showbiz guy naman (Huwag na raw sanang umibig sa artista)

PAGDATING sa kanyang lovelife ay hindi open si KC Concepcion sa kanyang mom na si Sharon Cuneta.

At naiintindihan naman raw ni Shawie ang bagay na ito lalo’t alam niyang ayaw lang siguro siyang maapektohan ng kanyang mega daughter lalo na kapag nagkaroon sila ng problema ng karelasyong showbiz guy kung sino man?

Kaya kapag tinatanong raw ang megastar tungkol sa break-up ni KC sa boyfriend ay nasu-surprise raw talaga siya at wala rin siyang maisagot dahil wala naman talaga siyang alam tungkol dito. “You know what? I’ll tell you this, ‘do I look like I was surprised? KC, I think ayaw niyang, nag-o-open up sa ‘kin kasi ayaw niya na naaa-affect ako,” sey ni mega.

Pero kahit na hindi nagbibigay ng payo si Sharon kay KC pagdating sa buhay pag-ibig ay may wish lang ang sikat na singer actress, na sana raw ay buksan din ng anak ang damdamin niya sa mga tao sa labas ng showbiz. “Kasi I just don’t like na parang when I was like very young, ang nakikita ko lang ‘yung mga katrabaho ko. So, I married Gabby (Concepcion). I would have relationships with leading men. Parang I just want something maybe better than what I went through,” katwiran ni mega at pahabol niya, “Not a better person, but just a better elimination process, a better fairer one for her para makikita niya people from showbiz and people outside showbiz.”

Oo nga naman baka dito na suwertehin si Cassandra gyud!

ni Peter Ledesma