HATAW! D'yaryo ng Bayan hatawtabloid.com
TINIYAK ni Smokey Manaloto na matutuwa ang viewers ng Inday Bote na pinagbibidahan nina Alex Gonzaga, Matteo Guidicelli, at Kean Cipriano.
Ayon sa beteranong komedyante, puno ng fantasy at matinding special effects ang bagong seryeng ito na nagsimula na last Monday, March 16 sa ABS CBN.
“Matutuwa sila rito dahil umpisang-umpisa ay hindi siya yung typical na serious na teleserye. Siyempre ano ito, fantasy na naka-center sa pamilya. Hindi lang talaga siya pambata, buong pamilya talaga mag-e-enjoy dito.
“’Tsaka pinagbuhusan talaga ng hirap at pagod ito. Kasi yung special effects dito sa Inday Bote, hindi pa nakikita sa ibang teleserye. Kasi maayos na maayos yung team na gumawa ng special effects nito,” esplika ni Smokey.
So, isa sa dapat abangan at tutukan iyong special effects ng Inday Bote?
“Isa na rin iyon, plus syempre, iyong kuwento kasi maganda ang kuwento nito. Medyo iba ito sa original na version ng Inday Bote. Yung original kasi, pito silang dwende, eto isang pamilya ang dwende. Kami iyon, isang pamilya bale kami ng duwende.”
Sinaba pa ni Smokey na sa Inday Bote ni Maricel Soriano, walang bading ngunit kuwelang duwende na ginampanan ni Roderick Paulate. Pero pambawi raw nila rito ang cute na si Alonzo Muhlach.
“Walang duwendeng bading ngayon, pero mayroon naman kaming dwendeng saksakan ng cute. Si Alonzo Muhlach. So, ‘yun ang pangpatas namin kay Roderick,” nakangiting saad niya.
Ano ang masasabi niya kina Alonzo at Alex?
“Si Alonzo, very-very talented, sana ay ma-polish pa yung acting skills niya at maalagaan pa siya.
Pero sigurado naman ako na maaalagaan siya nang todo-todo dito sa ABS.
“Si Alex naman, matagal ko na siyang nakasama. Sa Let’s Go pa lang, nakasama ko na siya, sa show ni Direk Bobot (Mortiz) and nakakatuwa na siya noon, e.
“Sigurado ako na mas nag-mature na siya ngayon as an actress, as an entertainer. Na-harness na niya iyong potentials niya as an actress. Kaya sigurado ako na kagigiliwan siya ng mga tao dito sa Inday Bote.”
ni Nonie V. Nicasio
