HATAW! D'yaryo ng Bayan hatawtabloid.com
AMINADO si Beauty Gonzales na siya man ay hindi makapaniwalang magki-click ang simpleng pagpapakilig na ginagawa nila ni Zanjoe Marudo sa Dream Dad. Pero aminado siyang kinikilig siya kay Zanjoe.
“Hindi namin ine-expect na magiging ganito ‘yung suporta ng mga manonood sa team up namin ni Beauty. Nakatutuwa na malaman ‘yung reaksiyon nila na kinikilig sila sa istorya nina Baste at Alex,” ani Zanjoe.
Talaga sigurong click ang ganitong tema ng palabas na parang may hawig sa Be Careful with My Heart nina Jodi Sta. Maria at Richard Yap. ‘Yung nagkakagustuhan ang mag-amo. This time, boss ni Beauty si Zanjoe.
At dahil click ang ganitong tema, punompuno ng kasiyahan at pasasalamat ang buong cast ng Dream Dad dahil sa gabi-gabing pagsubaybay ng TV viewers sa charming primetime drama series ng ABS-CBN.
Noon ngang Huwebes (Marso 12) palong-palo ang ratings nito sa na 34.9% sa kabila ng pagdating ng bagong katapat sa timeslot. Base sa datos ng Kantar Media, ito ay halos doble ng nakuha ng bago nitong katapat na programa saGMA na Pari Koy na nakakuha lamang ng 17.8%.
Kaya huwag palampasin ang pagpapatuloy ng feel-good family drama series na magpapangiti sa puso ng viewers, Dream Dad, gabi-gabi, pagkatapos ng TV Patrol sa ABS-CBN Primetime Bida.
ni Maricris Valdez Nicasio
