HATAW! D'yaryo ng Bayan hatawtabloid.com
ni James Ty III
PAPALAPIT na ang Bb. Pilipinas 2015 kaya habang tumatagal ay unti-unting nararamdaman ni MJ Lastimosa ang pagtatapos ng kanyang buhay-beauty queen.
Nakausap namin si MJ sa laro ng basketball noong Linggo ng gabi at sinabi niya sa amin na excited siya sa nalalapit na coronation night ng Bb. Pilipinas sa Marso 15.
Sa ngayon, wala pang plano si MJ para sa mga susunod niyang gagawin pagkatapos ng Bb. Pilipinas ngunit hindi niya isinasantabi ang posibilidad na pagpasok sa showbiz.
Nasa PBA si MJ upang panoorin ang kanyang boyfriend na player ng Purefoods na si Alex Mallari na nanguna sa panalo ng Hotshots kontra San Miguel Beer kasama si James Yap.
Habang nanood si MJ ng laro ay pinalabas ang Rated K ni Korina Sanchez saABS-CBN na ipinakita ang pagiging Sexiest Vegetarian niya.
Samantala, magiging host si MJ ng primer ng Bb. Pilipinas na Road to the Crown 2015 na mapapanood sa ABS-CBN sa March 8, 9:30 p.m. pagkatapos ng Gandang Gabi Vice.
