Mariel, sobrang nalungkot nang makunan

GINULAT ni Mariel Rodriguez-Padilla ang netizens sa post niya sa Instagramaccount noong Marso 13 at 14 na may kuhang namamaga ang mga mata habang nakayakap sa upuan ng sasakyan na may caption.

“Not all days are happy… some days are sad. #byecutiepie.”At maraming nagtanong kung ano ang pinagdaraanan ngayon ng asawa ni Robin Padilla.

Sumunod na araw ay nag-post uli si Mariel ng litratong magkahawak kamay sila ni Robin at may caption na, ”having a sad day doesn’t mean its the end of the world. sh*t really does happen but today i felt so much love from my family and concerned friends. i am grateful because i am not alone during this turbulent phase in my life i have my sister, my stepdaughters, my friends and my husband. One day the sun will shine again. =ØOÞ #byecutiepie.

At dahil sa hashtag na ‘byecutiepie’ ay marami na ang nakahulang nakunan siya at nagbigay ng suporta kay Mariel.

Tinext namin si Mariel kahapon kung anong nangyari, ”thank you, Regg sa concerned mo, eight (8) weeks pregnant ako, no heartbeat. Baby did not develop.”

Ang alam namin ay gustong-gusto na ni Mariel na magkaanak sila ni Robin, pero kapag tinatanong siya ay parati niyang sagot ay, ‘in God’s time’ o gusto pa nilang i-enjoy mag-asawa ang isa’t isa.

Noon pa namin kilala si Mariel kaya alam namin na maski sinasabi nilang ‘baby’ nila ang isa’t isa ni Robin ay gustong-gusto na niyang magkaanak sila dahil hindi na nga naman siya bumabata.

At nang malamang buntis siya ay halos ipagsigawan niya ito dahil matutupad na rin daw ang pangarap nila ni Robin, pero pagkalipas ng walong linggo ay heto at sasabihing walang heartbeat ang nasa sinapupunan niya.

Sabi namin kay Mariel ay, ‘in God’s time’ ibibigay din ang hinihiling nila at nagpasalamat naman siya kaagad.

 

ni Reggee Bonoan