HATAW! D'yaryo ng Bayan hatawtabloid.com
NAGPAHAYAG ng kagalakan ang komedyanang si Tart Carlos sa pagkakasali sa dalawang shows ng Dreamscape Entertainment Television, ang grupong lumikha ng mga de-kalibre at top-rating TV masterpiece gaya ng Walang Hanggan, Ina Kapatid Anak, Juan dela Cruz, Ikaw Lamang, at Bagito.
“Ako si Penelope na assistant ng lola dito ni Inday Bote played by Alicia Alonzo, who’s in search of her apo-sa tao world. Ako rin ang comic relief sa side ng mga nagdadramang sina Aiko Melendez.
“After ng Be Careful with My Heart (na gumanap siya bilang yaya), ako po ay pinagpalang gumawa ng out of the country and out of town shows at isinali ng Dreamscape sa dalawa nilang summer magical series na Nathaniel at Inday Bote.
“Masaya ako dahil marami pa ring nagtitiwala sa atin. First time ko gumawa sa Dreamscape at nasundan agad, kaya blessing talaga ang pagkuha sa akin dito. Hindi ko akalaing papasa ako sa kanilang panlasa, pero alam kong kahit papaano love nila ako. Kasi agad nasundan ang pagbibigay nila ng project, kasama na roon ang mahusay nilang treatment sa amin sa set,” saad ni Tart.
Ano ang papel niya sa Nathaniel? “Napakalayo kay Doris (karakter niya sa BCWMH) ng role ko sa Nathaniel, kasi hindi kid lover si Ate Rita, ang aking cha-racter na incidentally tunay kong pangalan. Challenging din ang papel ko rito, kasi hindi ka-tulong!” nakatawang biro pa niya. Si Tart ay isang stand-up comedian na napapanood Monday to Thursday sa Library, Tuesday sa Punchline, Friday sa Laffline at Saturday and Sunday sa Sitcom Live sa Las Piñas. Ang Inday Bote ay mapapanood na sa ABS CBN ngayong Lunes, March 16. Tampok dito sina Alex Gonzaga, Matteo Guidicelli, Kean Cipriano, Smokey Manaloto, Nikki Valdez, Alonzo Muhlach, at iba pa. Ito’y sa direksyon nina Malu Sevilla at Jon Villarin.
ni Nonie V. Nicasio
