Julia, ‘di pa raw nakita ang mansiyon ni Coco

 

NANINIWALA kaming wala pang relasyon sina Coco Martin at Julia Montes dahil hindi pa pala naisasama ng aktor ang dalaga sa ipinagawa niyang bahay na ipinalabas na sa Kris TV at na-feature sa Yes Magazine.

Kasi ‘di ba Ateng Maricris kapag karelasyon mo na ang isang tao o kaya ay importante siya sa ‘yo ay sa kanya mo unang ipakikita o isasama mo sa bahay para makilala ng pamilya?

Eh, mukhang hindi pa nga nangyari tulad ng sabi ni Coco sa grand presscon ngWansapanataym Presents: Yamishita Treasure na hindi pa nga raw niya nadadala si Julia sa bahay niya.

“Honestly, sabi ko nga, siyempre, kasi ang hirap, eh, alam n’yo sa totoo lang, nahihiya kasi akong mag-invite. Siguro dahil sa hindi ako marunong mag-entertain.

“Kasi, hindi ko alam kung paano ipi-please ang ibang tao. Hindi ba parang matataranta ako, everytime na may darating, gusto ko i-entertain ko sila ng personal. Ayoko niyong parang dumating sila and then after that, ‘o bahala na kayo’.

“Matataranta ako. Sabi ko nga, paano kaya? Siguro, hindi ko lang personalidad. Kasi nga, ako nakapaka-private kong tao, eh. Pero honestly, gusto kong imbitahin lahat ng mga taong tumulong sa akin.

“Siguro, nasimulan ko na sa mga kaibigan ko o sa mga taong tumulong sa akin from indie (days), and then, ngayong nasa TV ako and mainstream, siyempre, gusto ko rin silang imbitahan doon para maging proud sila sa akin na dahil sa kanila, natuto akong ayusin ang buhay ko at dahil sa kanila, parte sila ng mga pangarap ko na nabuo ‘yung bahay na ‘yun,”paliwanag ng aktor.

Inamin ni Coco na tuma-timing lang siya at isasama nga niya si Julia kasama ang ibang taong naging parte ng kanyang buhay.
ni Reggee Bonoan