HATAW! D'yaryo ng Bayan hatawtabloid.com
KOMPIRMADONG sa Hunyo 12, 2015 na ang kasal nina direk Paul Soriano at Toni Gonzaga.
Nasulat namin kamakailan kung sino ang tatahi ng wedding gown ni Toni, ang American Fashion Designer based in New York na si Vera Wang na nabanggit sa amin ng kapatid niyang si Alex Gonzaga.
Si Vera Wang ang napili nina Toni at Paul na tatahi sa wedding gown at hindi ang kababayang Pinoy na si Monique Lhuillier na nasa Los Angeles, California.
“’Yun kasing katawan ni Toni, maliit ang built kaya bagay sa kanya ang mga gawa ni Vera Wang, ‘am sure ito rin ang payo sa kanya ng lahat,” say ng taong malapit sa pamilya Gonzaga.
Bakit Hunyo 12 ang napiling petsa.
“Kasi araw ng kalayaan ni Toni, kasi for so many years nakapisan siya sa magulang niya at sa kasal lang nila ni Paul siya totally mahihiwalay sa magulang. Kaya may konek,” biro sa amin ng taong malapit sa pamilya ng ikakasal.
Sa simbahan ng Taytay, Rizal ikakasal sina Toni at direk Paul tulad ng unang napag-usapan at ang sumunod na tanong namin ay saan ang reception?
“Wait, I’ll ask pa, I forgot to ask,” say sa amin.
Hmm, hindi kaya batukan na ako nina direk Paul at Toni Ateng Maricris dahil nauna pa akong mag-announce? Marami pang kasunod, he, he, he.
ni REGGEE BONOAN
