Max Collins, hindi nagsisisi sa paghuhubad

ni James Ty III

USAP-USAPAN ngayon ang paghuhubad ng young actress ng GMA 7 na si Max Collins para sa sikat na magasing FHM.

Isa kasi si Max sa mga artistang ibini-build-up ng estasyon sa mga mas mapangahas na papel sa mga teleserye, bukod sa mga seksing pagsasayaw sa mga variety show.

Sa press conference ng FHM para kay Max noong isang araw sa Makati City , sinabi ni Max na matindi ang kanyang paghahanda para sa una niyang sexy pictorial para sa magasin na nagdiriwang ng ika-15 na taon.

“I didn’t have much time to prepare. I just ate less and worked out. Nag-yoga ako while I was taping my show,” say ni Max.

“I was really worried about my weight and I was nervous kasi first time ako na mag-shoot ng ganito. Pero sobrang bait ang mga taga-FHM sa akin.”

Bukod pa rito ay magkasama uli sina Max at Iya Villania na dating naging co-host ni Willie Revillame sa ABS-CBN na unang nag-artista si Max.

“This shows na I’m more mature and I’m ready for a new me. Depende sa project kung kaya pa akong gumawa ng sexy roles. I feel really lucky to be an FHM cover girl especially since it’s their 15th anniversary. I may not be as sexy as them, but I am thankful for being considered as a cover girl. And I’m really close to Andrea and Sam,” pangiting sambit pa ni Max.