HATAW! D'yaryo ng Bayan hatawtabloid.com
ni Pilar Mateo
THE sound of the face? The face with a sound? Nang isalang pa lang ang teaser ng pinakabagong programang mapapanood sa ABS-CBN simula sa March 14 and 15, ang Your Face Sounds Familiar abang na ang mga tao sa bagong Endemol franchised show!
Walong gustong tawagin ang mga sarili nilang classmates ang magbibigay saya sa manonood dahil kakayanin nilang gayahin mula ulo hanggang paa—pati na sa boses at kilos ang mga icon na matatapat sa kanila sa pipindutin nilang iconizer.
Ang takot ng lahat—dahil involved na naman ang text votes dito eh, baka matabunan na sila ng KathNiel fans ni Karla Estrada at ng PBB fans ni Melai Cantiveros.
Sabi naman ng dalawa, depende pa rin naman sa taas ng grades nila na points na iipunin nila ang magsasaad kung ‘til the end eh sila ang highest pointer. This time parang bonus na lang ang text votes dahil sa last night lang ito aariba!
Most of them are singers na—Karla, Jolina Magdangal, Jay-R, Nyoy Volante and Tutti Caringal. Sina Edgar Alan Guzman, Maxene Magalona and Melai can carry a tune naman daw.
According to Melai, “Kung nakilala man ako na nagpapatawa, rito hindi ako kailangang makitang ako. Kaya ang seryoso ko rito. Ang hirap-hirap nga. Kasi kung sino ‘yung gagayahin mo lahat ng kilos dapat ‘siya ‘yung makita sa ‘yo at hindi ikaw. Hindi ko naman alam kung nandyan pa ang PBB fans. Baka expired o wala ng load,” natatawa nitong sagot.
Natuwa lang kaming pagmasdan ang hanay ng iho-host na programa ni Billy Crawford.
Akala ko naligaw ako ng network. They’re all dubbed now as Kapamilya! And kitang-kitang they will shine brighter, ha! May show na agad-agad!
