HATAW! D'yaryo ng Bayan hatawtabloid.com
ni Roldan Castro
AMINADO si Ogie Alcasid na nalungkot siya na wala na sa TV5 ang mga big star ng TV5 na sina Sharon Cuneta, Aga Muhlach, Edu Manzano, Lorna Tolentino atbp.. Silang dalawa na lang ni Derek Ramsay ang natitira.
“Kakalungkot din siyempre. Kami na nga lang ni Derek ang nandito kaya minsan ako na rin ang nagbabalita, sa PBA ako na rin ang nagba-basketball. Ako na rin ang gumagawa ng weather report,” may birong sagot ni Ogie.
Siya na ang biggest star ng TV5?
“Maliit pa rin pero nakalulungkot, nakaka-miss nga sila, eh! But, sadyang ganoon, eh. Hindi ko alam ang puno’t dulo ng mga pangyayaring ‘yan, ‘di ba? Pero nakalulubgkot na wala na sila,” bulalas pa ni Ogie.
Sa palagay niya malaking factor ang bagong show niya sa Rising Star para makatulong na mag-rise ang TV5?
“Hindi pa,” diretsong sagot niya.
“Siguro..after the first season,” dugtong pa niya.
So, may second season ito?
“Of course. ‘Yung first season magpapakilala ka pa lang. Saan ka ba nanggagaling, ‘di ba sa baba?So, magra-rise rin kahit paano,” pakli pa niya.
Sinabi rin ni Ogie na hindi na natuloy ang pagiging executive niya sa TV5 na ikinatuwa naman niya dahil nagkaroon siya ng time sa family niya. Hindi raw siya na-depress. Ang plano kasi ay magiging head siya sa music division ng network.
Hanggang 2016 na ang contract niya sa TV5. Na-miss daw niya ang friends niya sa Bubble Gang at friends at boss sa Kapuso Network. Pero committed daw siya sa ninong niya si Manny V.Pangilinan. Kahit anong mangyari ay tutulong siya. Sa ngayon ay naghihintay lang sila ng isang show na maghi-hit talaga pero sa ngayon nagkakaroon na ng porma na gusto nila na maging happy network talaga na may sports, comedy, at may kaunting musical.
“Sabi ko nga, kailangan talaga pagtiyagaan,” aniya na daraan sa tamang panahon at hindi nakukuha ‘yan sa isang tulugan lang.
Anyway, magsisimu la na ang bago niyang show sa TV5 na Rising Stars Philippines na tinawag nilang novel televised singing talent show. Mag-i-start ito sa March 14 Sabado at Linggo ng gabi from 9:00 to 10:00 p.m. Co-host niya si Venus Raj.
Bongga!
