HATAW! D'yaryo ng Bayan hatawtabloid.com
MAS napaaga ang pagbabalik-Kapamilya ng nag-iisang megastar na si Sharon Cuneta.
Bago pa ang teaser na ipinakita last Saturday sa TV Patrol Weekend, aware na ang lahat especially ang mga minamahal na Sharonians ni Mega sa bonggang comeback niya sa ABS-CBN na naging tahanan niya noon for more than two decades.
Dahil sobrang na-miss na rin ng nanay-nanayan naming singer/actress (Sharon) ang showbiz ay gumawa pa siya ng countdown na ini-post niya sa kanyang Facebook account na nabasa ng supporters niya. Kompirmado na at isa sa mga araw na ito ay pipirma na ng kontrata ang megastar. Sa darating na Sabado at Linggo March 14 & 15, mapapanood ninyo si ‘Nay Shawie sa bagong impersonation show sa channel 2 na “Your Face, Sounds Familiar” bilang isa sa mga judges ng programa. Siyempre inaabangan na rin ng mga manonood ang kaseksihan ni Mega.
Isa pang nasagap naming news, plano rin daw ng management na pagsamahin sa isang Reality show si Sharon kasama ang daughter na si KC Concepcion at ex-husband na si Gabby Concepcion. First time na magkakasama ang tatlo kaya kapag natuloy ang nasabing project ay siguradong papatok sa televiewers.
Oo naman gyud!
ni Peter Ledesma
