Rachelle Ann, uuwi ng ‘Pinas para sa promo ng Cinderella (Muling pagpirma ng kontrata sa Miss Saigon, pinag-iisipan pa)

UUWI ng Pilipinas sa susunod na linggo si Rachelle Ann Go para sa promo ng pelikulang Cinderella ng Walt Disney.

Nalaman naming si Rachelle ang napiling kumanta ng A Dream Is A Wish Your Heart Makesna soundtrack ng Cinderella bilang representative ng Pilipinas.

Tinanong namin ang manager ni Rachelle na si Erickson Raymundo tungkol dito, ”she recorded her version of the ‘Cinderella’ song. Siya ang napili ng Disney. At nag-record sila ngmusic video na ipalalabas din.”

Noong nakaraang taon ay napili muli si Sarah Geronimo na kumanta sa music video na The Glow na napanood sa Disney Channel gayundin si Kim Chiu na napili rin bilang Mulan para sa Disney Calendar at nangyari ang pictorial noong Oktubre 2014.

Pahayag ng manager ni Rachelle Ann, ”for promo lang ‘yung music video niya, pinakanta sa kanya pero ‘di naman gagamitin sa actual sa movie. Pero sobrang nagustuhan siya (Rachelle Ann) at full production sila, as in. Pauuwiin pa siya rito to promote.”

Bale ba, sagot daw ng Disney ang pamasahe ni Rachelle Ann pauwi ng Pilipinas sa susunod at nang lumipad naman patungong London si Erickson para sa negosasyon ay libre rin ang pamasahe niya.

MULING PAGPIRMA NG KONTRATA SA MISS SAIGON, PINAG-IISIPAN PA

Samantala, iniiisp ni Rachelle Ann kung muli niyang pipirmahan ang kontrata niya sa Miss Saigon para sa isang taon uling pananatili sa London.

Mag-e-expire na sa Mayo 9, 2015 ang kontrata ni Rachelle Ann bilang si Gigi sa Miss Saigon at malalaman natin sa pagdating niya kung magtutuloy siya o hindi na.

 

ni Reggee Bonoan