Iniwan ni misis mister nagbigti

BUNSOD nang labis na pangungulila makaraan iwanan ng kanyang misis, nagbigti ang isang lalaki kahapon ng umaga sa Malabon City.

Patay na nang matagpuan ang biktimang kinilalang si Eduardo Maclan, 43, jeepney driver, residente ng Javier II, Brgy. Baritan, ng nasabing lungsod.

Batay sa ulat ni PO2 Benjamin Sy, dakong 6:30 a.m. nang matagpuan ang nakabigting biktima sa loob ng kanilang bahay sa nasabing lugar.

Salaysay ng isang kaanak ng biktima na si Shirley Maclan, pumasok siya sa bahay ng biktima nang mapansin na hindi inilabas ang ipinapasadang jeep.

Ngunit laking gulat niya nang madatnang nakabigti na ang biktima.

Ayon kay Shirely, matagal nang nagdaramdam ang biktima makaraan iwanan ng kanyang asawa.

(ROMMEL SALES)