HATAW! D'yaryo ng Bayan hatawtabloid.com
HINDI na umabot nang buhay sa pagamutan ang isang 11-anyos batang lalaki makaraan magbigti sa tali ng kalabaw at nakaladkad nang magwala ang hayop habang nakasakay ang biktima kamakalawa sa Brgy. Biak na Bato, bayan ng San Miguel, lalawigan ng Bulacan.
Sa naantalang ulat na tinanggap ni Bulacan Police Director, Senior Supt. Ferdinand Divina, kinilala ang biktimang si Albert Tolentino, grade 5 pupil, at residente sa nasabing barangay.
Ayon sa imbestigasyon ng pulisya, nakasakay ang biktima sa kalabaw na si Inong nang biglang magwala nang makakita ng kapwa niya barakong kalabaw na tinangkang habulin.
Bunsod nito, nahulog ang biktima, pumulupot sa kanyang leeg ang lubid at nalakadkad ng kalabaw nang 20 minuto.
Agad sinaklolohan ng mga nakakita ang biktima at isinugod sa San Miguel District Hospital ngunit hindi na umabot nang buhay.
(DAISY MEDINA)
