Marian, malaki raw ang respeto kay Dingdong (Kaya ayaw patulan ang isyung naging two-timer ito…)

ni Roldan Castro

PAREHONG may asawa na sina Dingdong Dantes at Karylle pero iniintriga pa rin at mukhang hindi pa nakamo-move-on sa dalawa. Isinasangkot ang pangalan ni Dong sa pag-amin ni Karylle sa It’s Showtime na minsan ay nag-two time ang ex-boyfriend niya.

Bagamat wala namang binabanggit si Karylle na pangalan, nakakaladkad si Dingdong dahil ito ang bukas na aklat na naging nobyo niya.

Noong maghiwalay sina Dingdong at Karylle ay si Marian Rivera na ang kasunod na naging girlfriend ni Dong at napangasawa. Ano ang reaksiyon ni Marian sa rebelasyon ni Karylle?

Ayaw niyang patulan dahil wala namang name na binanggit. Si Dingdong lang daw ba ang naging ex ni Karylle?

Tinanong si Yan kung ano ang magiging reaksiyon niya kung sakaling si Dingdong nga ang tinutukoy? Ayaw niyang sagutin dahil ayaw niyang masabihang assuming at defensive.

Basta ang deklarasyon lang ni Marian mahal niya ang asawa niya, malaki ang respeto niya kay Dong.

Bukod dito, may kanya-kanya na silang buhay at pamilya kaya sana happy na lang ang bawat isa.

Pak!