Dong, ayaw nang pag-usapan si Karylle

ni Roldan Castro

NAGSALITA na rin si Dingdong Dantes tungkol sa rebelasyon ni Karylle na umano’y mayroon siyang ex-boyfriend na nangaliwa.

Ayon sa kapuso Primetime King, hindi tama na mag-react siya sa isyu dahil hindi naman pinangalanan.

“Hindi naman, wala naman sigurong sinasabing ako ‘yun.So, I don’t wanna assume din naman. If I react prematurely about a statement that’s not clear, hindi rin naman maganda. Basta para sa akin, ipagdarasal ko na lang sila,” deklara niya.

Hindi apektado si Dong sa naturang isyu. ”I’m not puzzled, I’m happy. I’m happily married,” deklara pa niya.

Okey na ba sila ni Karylle?

”I don’t wanna answer also questions about her. Because, again, I’ve not answered din before anything about it. Although, I spoke once in a magazine about it and, para sa akin, okey na ‘yun, tama na yun,” sambit pa niya.

Talbog!