Jam, kinabitan na ng life support, patuloy na dasal hingi ng pamilya

PAST 4:00 p.m. nang magulantang kami sa post ng kapartner ni Jam Sebastian na si Mich Liggayu ng Jamich, ang couple na sikat sa Youtube sa Facebook account nito.

May post kasi si Mich ng ganito, “Jaaaam…(:” at kaya naman marami sa mga comment ay nagtaka at nagtanong sa tunay na kalabayan ni Jam.

Pero bago ang post na ito’y nauna muna ang, “Family and friends. Pag pray natin si Jam please. Please. Hirap na siya huminga. At least manlang magkaron siya ng peace sa heart niya. Lord Kayo na po bahala. Papunta na kami ngayon ng parents ko sa hospital. Buti kasama ko ngayon parents ko. Pray.

“Tumawag sakin si Joshua gamit phone ni Jam. Umiiyak. Nakakataranta. Binibilisan na ni dad mag drive ngayon papunta sa hospital. Wala ako sa sarili ko ngayon. Parang panaginip.”

Puro encouragement at lakas ng loob naman ang ibinigay na suporta ng mga kaibigan at fans nina Jam at Mich. May mga umiiyak na ring komento. At ilang minuto pa ay may nag-post ng picture na naka-life support na si Jam at humihingi sila ng dasal para rito.

ni Maricris Valdez Nicasio