HATAW! D'yaryo ng Bayan hatawtabloid.com
KINOMPIRMA kahapon ni Bea Binene na 3rd party ang dahilan ng tuluyang paghihiwalay nila ng landas ng boyfriend for 2 yrs and 10 months na si Jake Vargas.
Sa presscon ng Verifit Slimming Capsule na ginanap kahapon sa Tweedle Book Café sa Sct. Gandia, Quezon City (isang pribadong restoran na kilala s akanilang tahimik na ambience na tiyak mag-e-enjoy ang pamilya at mga kaibigan), sinabi ni Bea na desisyon niyang makipag-break na sa actor bagamat masakit para sa kanya.
Aminado naman ang batang aktres na iniyakan niya ang naging desisyon at sa kasalukuyan ay trying to move forward na siya at kalimutan na ang anumang nangyari sa kanila ni Jake.
Civil lang sila sa isa’t isa kapag nagkikita at bahala na raw ang management kung pagsasamahin pa sila sa isang project.
Sinasabing hindi ito ang unang pagkakataong na-involve si Jake sa ibang babae. Kung noo’y pinatatawad siya ni Bea, ngayo’y hindi na at nagdesisyon na ngang tapusin ng batang aktres ang kanilang relasyon.
Isang non-showbiz girl daw ang ipinalit ni Jake kay Bea at sinasabing nahuli ang aktor sa mga post nito ukol sa girl. So, hindi naging maingat si Jake tsk tsk tsk.
Anyway, ang Verifit Slimming Capsule ay naiiba sa mga pampapayat na kapsula dahil marami itong L-Carnitine content—whopping 500mg, kompara a ibang produkto na mayroon lamang 50mg-350mg ng L-Carnitine. Pero ang pinaka-standout na dahilan kung bakit naiiba ang Verifit ay dahil may sangkap pa itong Collagen na nakatutulong para maging firm at tight ang skin. Nadiskubre ring effective appetite suppressant ang Collagen.
Ani Bea, simula nang gumamit siya ng Verifit, napansin niyang nababawasan ang lakas sa pagkain at name-maintain ang desired figure na gusto niya.
ni Maricris Valdez Nicasio
