Kasalang Chiz at Heart, bakit pinayagang isagawa sa isang isla?

ni Ed de Leon

KATOLIKO kami, obvious naman siguro iyan. Pero inaamin namin, may mga pangyayari sa aming simbahan na hindi namin nagustuhan lately. Una, iyong naging pagpapasa-pasa ng banal na eukaristiya noong magmisa ang Santo Papa sa Manila Cathedral. Bawal iyan sa batas ng simbahan, bakit pinayagan?

Mayroon na namang sumunod, bawal iyang kasal sa mga garden at sa mga beach, dahil ang pagdiriwang ng mga sakramento ay dapat ginaganap lamang sa isang banal na dako, sa mga simbahan. Bakit ikinasal ni Bishop Arturo Bastes ng Sorsogon at naroroon pa rin ang kasama niya sa SVD na si Fr. Jerry Orbos sa isang resort? Ang Balesin ay nasa Polilio Island, at nasa ilalim ng Diocese of Infanta. Kung sinasabing may dispensation ng obispo ang kasalan, talaga bang pinayagan ni Bishop Bernardino Cortez ng Infanta ang kasalang iyon? Kung totoo, ano ang dahilan at nagkaroon ng dispensation?

Kailangang maipaliwanag natin iyan dahil marami na ang nag-iisip na may double standards na rin sa ating simbahan. Ayaw naming mangyari iyan. Pero isang katotohanan na may mga bagay na ganyan kaya dumarami ang mga nagiging born again, o sumusunod kay Ka Eli Soriano.

Iyan nakita natin iyan dahil showbusiness iyan, pero masasabi mo bang wala nang ibang nangyayaring ganyan ng hindi lang natin nalalaman?