HATAW! D'yaryo ng Bayan hatawtabloid.com
ni John Fontanilla
MALAKI raw ang paghanga ng mahusay na singer na si Darren Espanto sa magandang anak nina Carmina Villaroel at Zoren Legaspi na si Cassy.
Ani Darren, “Crush lang muna kasi bata pa kami at saka na ‘yung love ‘pag malalaki na kami.
“I dedicate the song ‘Count on Me’ sa kanya, na everytime na kailangan niya ng tulong at kaibigan nand’yan lang ako lagi.
Samantala, ibinahagi ni Darren ang sikreto ng pagkakaroon ng magandang boses. “Mag-practice lang araw araw, bawal po ang matatamis ,bawal din ‘yung mani kasi nakakagasgas ng boses.
Balak ding subukan ni Darren ang pag-arte, “Siguro po sa future, alam ko mayroon pong inaayos pero ayoko po munang ikuwento baka kasi hindi pa matuloy.
“’Pag okey na po, at saka ko na lang ikukuwento ‘pag tuloy na tuloy na.
“Pero mas gusto ko munang makilala bilang singer, tapos in the future ita-try ko naman ‘yung acting or Musical Play.
At kung papipillin siya kung sino ang gusto niyang maka-loveteam, “Mas gusto ko si Cassy. Nagagandahan kasi ako sa kanya at ang bait- bait niya.
“Alam po ni Tita Carmina dahil tina-tag siya ng fans sa post,” pagtatapos ni Darren.
