HATAW! D'yaryo ng Bayan hatawtabloid.com
ni AMBET NABUS
WINNER na rin lang ang pinag-uusapan, bonggang panalo ang sagot sa amin ninaDaniel Padilla at Kathryn Bernardo sa naging tanong namin.
“Sa tingin ba ninyo ay mapapantayan o mahihigitan ninyo ang kinita ng last movie ninyo lalo pa’t ang ‘Crazy Beautiful You’ ang lumalabas na parang big Valentine movie (kahit post offering na) ng Star Cinema?,” tanong namin mareh.
“Siguro naman po. Sisikapin po namin,” sey ng mga labs naming KahtNiel hahaha!
Bukod daw kasi sa ibang-iba ang roles nila eh sadyang bago at una sa paningin ng mga moviegoer ang ganda ng mga locations nila, partikular ang Mt. Pinatubo sa Zambales.
Kung naging monster hit nga ang Mayon Volcano-backdrop love story nila sa She’s Dating a Gangster, dito daw sa Crazy Beautiful You ay madodoble dapat ‘yun.
“Una po, we’re getting more matured at mas close kami. Gamay na gamay na namin ang isa’t isa at masaya pang katrabaho sina direk Mae (Cruz-Alviar),” sey ni Katryn.
Segue naman ni Daniel, ”at mas masaya kaming magkasama. Mas malalim at mas mararamdaman ng manonood ang lahat sa movie.”
Sa Crazy Beautiful You ay makaka-triangle ng KathNiel si Inigo Pascual na umaming kilig na kilig sa dalawa. Kasama rin nila sina Lorna Tolentino at Gabby Concepcion na umamin ding nagta-transform ang dalawa kapag nasa screen na.
Sey nga ni Gabby, ”marami akong naaalala sa kanila. Noong time namin ni Sharon (Cuneta), noong nasa ganyang edad kami, ako mismo kinikilig. I just advise them na go on, carry it on, enjoy and be happy together.”
Showing na ngayong Feb. 25 ang pelikula!
