DQ vs ER Ejercito isinapinal na ng SC

PINAL na ang desisyon ng Korte Suprema na nagdi-disqualify kay Emilio Ramon “ER” Ejercito bilang gobernador ng Laguna. 

Ito’y makaraan ibasura ng Korte Suprema ang motion for reconsideration na inihain ni Ejercito noong Nob-yembre 25, 2014. 

Ayon sa Kataas-taasang Hukuman, walang bagong argumentong iprinesenta ang kampo ni Ejercito para gamiting batayan sa hi-nihingi niyang pagbaligtad sa naunang desisyon. 

Nobyembre noong nakalipas na taon nang maglabas ng desisyon ang Supreme Court (SC) sa botong 12-0 na pabor sa diskwali-pikasyon ng Commission on Election (Comelec) kay Ejercito dahil sa sobrang paggastos sa halalan. 

Lumabas na gumastos si Ejercito nang hindi bababa sa P6 milyon para lang sa television advertisement. 

Nilabag niya ang panuntunan ng Comelec na hindi dapat sosobra sa P4.5 milyon ang gastusin ng isang local candidate sa isang halalan.