$5 milyon sa positibo sa drug test (Hamon ni Pacman kay Floyd)

MISMONG si Manny Pacquiao ang nagsulong na dapat magmulta ng $5 million ang sino man sa kanila ni Floyd Mayweather Jr., ang magpositibo sa drug test.

“In fact, doon sa mga kasunduan, ako ang nag-suggest na mag-multa ng $5-million kapag nag-positive sa drugs,” ani Pacquiao.

Makailang ulit nang sinabi ni Pacquiao na pumayag na siya sa mga kondisyon na hiniling ni Mayweather upang matuloy lamang ang kanilang laban sa Mayo 2.

Ngunit hanggang sa ngayon ay wala pang pinal na kapasyahan si Mayweather.

Magugunitang kasabay ng kanyang pagdalo sa NBA All Star game, tahasang sinabi ni Mayweather na pawang haka-haka lamang ang ulat na nagkasundo na sila ni Pacman para sa P11 billion mega fight.