Binay sa destab plot bineberipika ng Palasyo

BINEBERIPIKA ng Palasyo ang ulat na kasali si Vice President Jejomar Binay sa mga pagkilos para patalsikin si Pangulong Benigno Aquino III, at kabilang ang Bise Presidente sa bubuo sa transitional council na ipapalit sakaling magtagumpay ang oust Aquino movement.

”Kailangang beripikahin kung kinokompirma ng panig ni VP ang nakasaad sa balita,” sabi ni Communications Secretary Herminio Coloma Jr.

Ang pahayag ni Coloma ay bilang tugon sa ulat na lumahok na ang teachers’ groups na Alliance of Concerned Teachers (ACT) at Congress of Teachers/Educators for National Democracy (Contend) sa mga pangkat na nananawagan sa pagpapatalsik kay Pangulong Aquino.

Inirerekomanda nila ang pagbubuo ng transitional council na papalit kapag natanggal na sa poder ang administrasyong Aquino na bubuuin ng mga nagmula sa malawak na kilusan na nagmobilisa at naggigiit ng pagpapatalsik kay Pangulong Aquino.   

“Binay (Vice President Jejomar Binay) may be part of this, but he will not be allowed to lead it to ensure that there will be check and balance,” ayon kay Contend chairman Dr. Jerry Lanuza.

Rose Novenario