14-anyos dalagita pinatay saka itinapon ng rapist sa damuhan

NAAAGNAS na nang matagpuan ang bangkay ng isang dalagita na unang iniulat na nawawala makaraan makipag-inoman sa mga kaibigan sa Marilao, Bulacan.

Sa ulat na nakalap sa Marilao police, kinilala ang biktimang si Analyn de Guzman, 15-anyos, out of school youth, at residente ng Brgy. Lambakin, sa naturang bayan.

Ang bangkay ng biktima ay natagpuan sa madamong bahagi sa nabanggit na barangay, at tadtad ng saksak sa iba’t ibang parte ng katawan.

Sa panimulang im-bestigasyon ng pulisya, huling nakitang buhay ang biktima na kasama ang dalawang kaibigang babae habang nakikipag-inoman sa mga suspek noong Pebrero 12.

Pagkaraan ay umalis ang mga suspek kasama ang biktima habang naiwan ang dalawang babae sa lugar.

Ngunit magmula noon ay hindi na natagpuan ang biktima hanggang matagpuan ng isang residente ang naaagnas na bangkay sa damuhan sa loob ng Bordador Compound.

Ang biktima ay na-tagpuang walang saplot na pang-ibaba senyales na posible siyang ginahasa bago pinatay.

Positibong kinilala ng pamilya ang biktima dahil sa suot na relos, jacket, tsinelas, kulay ng bra at ang tali sa buhok bago umalis ng bahay.

Pansamantalang hindi muna pinangala-nan ng pulisya ang mga suspek habang isinasagawa ang follow-up ope-ration sa naturang kaso.

Micka Bautista