HATAW! D'yaryo ng Bayan hatawtabloid.com
BIDA na si ‘Goin Bulilit si Harvey Bautista sa Wansapanataym na mapapanood bukas, Linggo (Pebrero 15) na punompuno ng magic. Si Harvey ay anak ni Quezon City MayorHerbert Bautista kay Ms Tates Gana.
Ang month-long special ng Wansapanataym na may titulong Remote ni Eric na pagbibidahan nga ni Harbey kasama sina Joel Torre, Cherry Pie Picache, Sue Ramirez, Alex Diaz, at Arjo Atayde mula sa panulat ni Benedict Migue at idinirehe naman ni Erik Salud.
Ang Wansapanataym Presents Remote ni Eric ay iikot sa kuwento ni Eric (Harvey), isang batang matigas ang ulo at ayaw makinig sa utos ng kanyang mga magulang. Unti-unting magbabago ang buhay ni Eric na pagkakalooban siya ng isang mahiwagang remote control na makapagbibigay sa kanya ng kakayahang kontrolin ang mga tao sa paligid niya.
Matutuhan kaya ni Eric ang halaga ng pagsunod sa kanyang mga magulang kapag nalagay siya at ang kanyang pamilya sa panganib dahil sa paggamit niya ng mahiwagang remote control?
Huwag palampasin ang pinakabagong Wansapanataym special ngayong Linggo, 6:45 p.m. pagkatapos ng Goin’ Bulilit sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
ni Reggee Bonoan
